Dated Aizawl, the 22^nd January, 2024: National Institute of Rural Development & Panchayati Raj (NIRDPR), Hyderabad leh Social Audit Unit – MISSAAT, Mizoram buatsaihin “5 Days Training on Social Audit of MGNREGA, NSAP, PMAY-G, 15^th FC Grants for SHG-VRP” SIRD&PR Conference Hall, Durtlang Leitan-ah neih a ni a, Pi Ethel Rothangpuii, Director, SIRD&PR, Mizoram chuan Khuallian niin he training a hawng a ni.

Training hawnna inkhawm, Pu Benjamin Z. Renthlei, Social Audit Expert, Social Audit Unit – MISSAAT kaihhruaiah hian Pi Ethel Rothangpuii chuan hawnna thu sawiin, Self-Help Group-te an hmalakna kawng hrang hrangah chhuanawm a tih thu sawiin, chhungkaw hmasawnna an thlen nasa hle-a a hriat thu leh an hmalak zelna turah taima tak leh thahnem ngai taka thawk chunga, hmasawn tum zel turin a sawm a. Village Resource Person (VRP) atan pawh rintlak tak tur an nih a rin thu sawiin, kan khua leh ram tana Audit hna thawk tur an ni tih inhria a, huaisen tak leh dik taka thawk tura fuihin, training hi a hawng a ni.

Training hawnna inkhawm-ah hian Pi C. Laltleipuii, Director, Social Audit Unit, MISSAAT chuan training neih dan tur leh Social Audit chungchang sawizauna a nei a, Pi RK Lalrinfeli, District Resource Person, Social Audit Unit – MISSAAT chuan lawmthu sawiin Training hawnna inkhawm hi a khar a ni.

He training-ah hian Tlangnuam leh Aibawk RD Block huam chhunga SHG mi 30-te kal khawmin, Pu Benjamin Z. Rentlei, Social Audit Unit Expert leh Pi RK Lalrinfeli, District Resource Person, Social Audit Unit – MISSAAT ten zirtirna an pe dawn a ni.

He training hi Mizoram pum huapa neih tur niin, District dangah pawh neih tawh a ni a, la neih lohna District-ah pawh neih chhunzawm zel tur a ni. Training hi SHG member 500-te hnena pek tur niin, thawh khatna zawh tawh a ni a, thawhhnihna kalpui zawh a nih hian SHG member 300 training pek an ni tawh dawn a ni.