Dated Aizawl, 16th May, 2025 : Vawiin chawhma Dar 10:30 khan Secretariat Conference Hall-II, MINECO, Aizawlah Pi C. Laltleipuii, Director, Social Audit Unit - MISSAAT kaihhruainain kumin FY 2025-2026 atana Mahatma Gandhi NREGS social audit thawh khatna (1st Cycle 1st Phase) 15th April, 2025 - 3rd May, 2025 chhunga Mizorama khaw hrang hrang 269-a neih zawh tak thlirletna hun (Review Meeting) neih a ni.

Kalkhawmte lawmna thu a sawi pahin Director chuan Mahatma Gandhi NREGS leh social audit pawimawhnate a sawi a, level hrang hranga thawktu zawng zawngte chu inthlahdah lova rinawm leh taima taka thawk zel tura a fuih hnuin kalkhawmte inhmelhriat tirna hun neih a ni.

Meeting-ah hian District leh Block aiawha kalkhawmte bakah Social Audit Unit atanga Social Audit Expert leh District Resource Persons te chuan Social Audit atanga hmuhchhuah hrang hrang - Financial Misappropriation, Financial Deviation, Process Violation leh Grievance te chu an sawiho a; hmalak ngai leh enzui ngai te, siamthat ngai awm te chu a rang thei ang bera lo bawhzui nghal turin Meeting kaihruaitu chuan District leh Block lama mawhphurtute chu a chah a ni.

He meeting-ah hian District leh Block hrang hrang atangin concerned officials-te an kal tha hle a, Social Audit Unit Director chuan he hun rawn ngai pawimawha lo tel zawng zawngte chungah lawmthu sawiin chawhnu Dar 1:30 khan tluang taka zawh fel a ni.